Pesqueria do Tambre

Na beira do Tambre, em Santa Maria de Roo (Noia), está a central elêctrica Tambre II que produze energia tras o encoro Barrié de la Maza.
O arquitecto do Porrinho [O Porriño] António Palacios desenhou em 1924 o poboado formado polo edifício da central e as vivendas dos empregados.
Actualmente algumhas destas casas (a Casa do Chefe, dos Mestres, a Cámara de Carga e a Escola) forom re-habilitadas para formar o Hotel Pesquería del Tambre. O entorno -perto de Noia, Ponte Nafonso e as fervenzas de San Xusto- é muito agradável, ainda que no acceso nom hai mais que "agresivos" eucaliptais.

As fotografias correspondem a dinamos da velha central elêctrica.

Muito gosto de Corrubedo

Mais fotografias desta vila -Corrubedo,- atrapada entre o atlântico e o parque natural.
O dia que tirei estas fotografias fazia windsurf tranquilamente quando mui longe da praia quedei sem o alerón (a quilha ou orza noutras embarcacións), e polo tanto o governo. Muito sufrim para regressar coa tabla e a vela até a beira nadando.

Perder um minuto comprovando o estado do material pode aforrar muitos sustos; eu desta creo que aprendim a lección.

Para entender porque gosto tanto desta vila, ver as fotografias colgadas em "Corrubedo em positivo", "Porto de Corrubedo", "Corrubedo Alicatado", "Gamelas", e "Interior de Corrubedo"; e para os afeccionados ao Google Earth pode-se atopar Corrubedo em 42º34´24 " N, 9º04´26" W, entre as rias de Noia ao norte, e Arousa ao sul.

web Intenta

Completísima web con todo tipo de recursos e truques para blogs, web, desenho, fotografia, ilustración... : Intenta Web. (em espanhol).

Excusións polo concelho de Brión

No concelho de Brión ainda hai muitos recunchos de natureza em bom estado, aqui hai alguns exemplos:
_Umha corredoira no Sendeiro do Ruibal (1)
_Na parroquia de Bastavales (2) está a capela da virgem do caminho, com fachada policromada.
_Nos Ángeles [Os Ánxeles] (3), a igreja de Nossa Senhora e esta cancela (5)
_Em (4), Capela do Divino Salvador.

Outras fotografias deste concelho neste blog: "Brión", "Mais de Brión", "Parroquia de Brión", "Ruta dos Cruceiros I e II" e "Outono em Brión".

Parroquia de Brión

Estas fotografias estám tiradas nalgum lugar do município de Brión, perto do encoro Barrié de la Maza no rio Tambre.

Outras fotografias deste concelho neste blog: "Brión", "Mais de Brión", "Excusións", "Ruta dos Cruceiros I e II".

Portosin

Preparación em terra da maré. Portosin [Portosín], na ria de Muros e Noia.

Porto de Corrubedo

O porto de Corrubedo nom tem sequera cofradia de tam pequeninho que é. Esso forma parte do seu encanto, como as vistas às dunas do parque natural.

Na vila atopei a rua "A Morosa"... tenho a dúbida de que corresponda com a hiper-galeguizacióm da rua "amorosa". Quem sabe!

Ver neste blog mais fotografias relacionadas em "Corrubedo Alicatado", "Interior de Corrubedo", "Moito gosto de...", "Gamelas", "Corrubedo em positivo" ou bem em "Faros (Farois)" e "Praias".

Navegar

Navegar polas rias galegas é umha sorte: ilhas, golfinhos, cormoráns... e o mar que em qualquier lugar do planeta fascina a quem o conhece em mais dumha circunstáncia.

Ligazóns: Ria de Vigo, Ilhas Cíes, Windsurf, apuros em Corrubedo.

Corrubedo em positivo

Podia dar a sensación de que Corrubedo nom é mais que umha vila destrozada polo feísmo e o mal gusto como tantas outras en Galiza (Ver neste blog "Corrubedo Alicatado" e "Interior de Corrubedo").
Nom tal: É sem dúvida umha grande desfeita, mas o entorno resulta do melhorzinho da nossa costa (e nom esquezamos a casa de David Chipperfield).

Imprescindível.

Ver também "Porto de Corrubedo", "Corrubedo Alicatado", "Moito gosto..." e "Interior de Corrubedo".

Índice galego

Mapa-índice de fotografias de Galiza deste blog:
Brión-Corrubedo-Costa da Morte-Ilhas Cies-Ria de Arousa-Ria de Muros e Noia-Santiago de Compostela-Viana do Bolo-Vigo

Mais Gijón

Outras fotografias da praia de San Lorenzo, da escultura de Eduardo Chillida chamada "O Elógio do Horizonte" e de caixas de sidra de mazás. Todas de Gijón(Astúrias).

Gijón

Fotografias de Gijón (Astúrias), na Espanha Verde: barcos no porto, e a praia de San Lorenzo.
O sol nom acompanhaba, mas juro que era um dia de Junho.

Outras fotografias tiradas em Gijón. Localización no mapa.

Cámbio climático

Esta imagen gosta-me poque mostra moi graficamente o que vai caminho de acontecer.

O desenho é de Kukusumusu para Greenpeace (tenhem tazas, cds e camisetas com este motivo)

Mobiliario Urbano lisboeta

Suponho que estas som as pequenas cousas que lhe dám o seu carácter a umha cidade, e está claro que a Lisboa lhe sobra personalidade.
Gostei da báscula de Restauradores e a bilha que semelha umha pessoa enfadada como no anúncio do audi.

Outras fotografias de Lisboa neste blog: "O que tém", "Passeando", Lisboa (I, II e III).

Xacobeo

A Sociedade de Xestión do Plan Xacobeo acaba de dar a conhecer a sua nova imagen corporativa.
Dalgumha maneira recorda as frechas amarelas que orientan aos peregrinos polos caminhos a Santiago.
Particularmente eu vejo nel, representadas por pedras que formam os caminhos, todas as rutas históricas (a ruta francesa, a do norte ou a portuguesa). O grande ponto azul marca o ponto de encontro e final da experiéncia vital, do caminho interior. Indica a chegada a Compostela.

Creo que supóm umha afortunada interpretación dum símbolo eterno, porque as pessoas nunca deixam de caminhar.

O desenho é da empresa compostelana Océano Visual.